यादहरूले सधैँ सम्झिने बानी बनाउँदोरहेछ
थाहा नदिई आँखाले पनि पानी बनाउँरहेछ ।
दुनियाँ त्यागेर हिँडेको साधुलाई पनि हेर
भट्टीको पानीलाई सानी बनाउँदोरहेछ ।
कतै दुःख कतै सुख प्रकृतिको रीत न हो
बटुलेर सिङ्गो जीवन कहानी बनाउँदोरहेछ ।
कतै गुण कतै वैगुण सम्झिँदा रहेछन्
यसरी नै जिन्दगानी बनाउँदोरहेछ ।
यसकारण पढ्न र पढाउन छाडेँ है हजुर मैले पनि
सबैले मास्टरडिग्री सकेपछि राहदानी बनाउँदोरहेछ ।
०००
– रुकुमपूर्व