- उर्लेका खुशीको भेललाई बार्नेछु अब
मनभित्रका ती चाहलाई मार्नेछु अब
आफै भित्रभित्रै गुम्सिएका रहरलाई
झुठो आश्वासन दिई अब टार्नेछु अब ! - हर्ष बिभोर भएछु सधैँ साथ दिन्छु भन्यौ सानु
आँखा रसाइदियो पीडा सबै लिन्छु भन्यौ सानु
आजसम्मका मेरा तपस्या सफल भो सायद
लुटिएका ति मेरा खुशीहरू छिन्छु भन्यौ सानु ! - देउताको आँखा आँसुले भराउनुपर्ने भयो
आफ्नो अधिकारको लागि कराउनुपर्ने भयो
किन हुन सक्दैन आफूले चाहेको जस्तो यहाँ
भविष्यको कल्पनासित डराउनुपर्ने भयो ! - झन् झन् बढ्दै जाने अभिलाषा भयो
कहिले नि पूरा नहुने एक आशा भयो
समयको खेलसँग नै रूमलिँदै जाने
बुझाएर बुझ्न नसक्ने परिभाषा भयो । - विश्वास गर्ने गाह्रो हुने बनावटी कहानीको
पर्खाइमै बस्नुपर्ने रात कुर्दै बिहानीको
अतीत यो बल्झिदिन्छ नचाहेरै घरिघरि
भमराझैँ रस चुस्दै छाड्दै हिँड्ने बेइमानीको । - तिमीभित्रै यो मनले डेरा, कसेपछि थाहा पाएँ
छुटाउन गाह्रो रैछ माया, बसेपछि थाहा पाएँ
तिम्रै दिलको फूलबारीमा, खोजें माली बन्न
फुल्दा फुल्दै मझेरीमा, खसेपछि थाहा पाएँ । - एक्लै थिएँ जिन्दगीमा हात दियौ तिमीले
नजिकिँदै गयो दूरि साथ दियौ तिमीले
मनको पर्दा उघारेर तिमीलाई हेर्दाखेरि
शीतल शीतल चाँदनीको रात दियौ तिमीले । - सधैँ आँसुमा डुब्थें हाँस्न सिकायौ तिमीले
मरेतुल्य थिएँ बाँच्न सिकायौ तिमीले
रङ्गमञ्च के हो थाहै थिएन मलाई
आफ्नै दिलमा नाच्न सिकायौ तिमीले । - मागेकी छु तिमीलाई तिम्रो जवानी होइन
हृदयदेखि नै माया गर्नु मेरो बेइमानी होइन
तिम्रै कल्पनामा डुब्छन् मेरा पलहरू अचेल
तिमी पनि छौ बराबरी मेरो मात्र कहानी होइन । - घाइते थिएँ मुटुलाई सिउन बाध्य भएँ
टाढा हुँदा आफन्त नै जिउन बाध्य भएँ
जिन्दगीका चोटहरू बल्झिदिँदा आजभोलि
नचाहेरै अतीत सम्झी पिउन बध्य भएँ । - वर्षासरि झर्ने आँसु आँखामा नै थुन्छु अचेल
एक्लै हुँदा जिन्दगीमा अतीत सम्झी रून्छु अचेल
बिर्सु भन्छु बल्झिदिन्छ सम्झनाका छालहरू,
सपनीमा सधैँजसो तिम्रै काखमा हुन्छु अचेल । - मनको कुनामा अलिकति रहर पोको पारेर
घाम, पानी केही नभनी जिन्दगीलाई खारेर
आज रोए पनि भोलि हाँस्ने अभिलाषा बोकी
मेहनतको फसल उब्जाउँदैछु मरभूमि बारेर । - जुन खोलाको तिमीले पानी खायौ बैरी
त्यहीँ खोलामा तिमीले विष लायौ बैरी
गर्ने नगर्ने कर्म गरिसकेपछि
के माग्न मन्दिर मस्जित धायौ बैरी ? - आज मलाई किन किन मरे जस्तै लाग्यो
मेरो नाममा खरानी छरे जस्तै लाग्यो
अन्याय र अत्याचारले सीमारेखा नाघ्दा
सुन्दर सृष्टिमै खडेरी परे जस्तै लाग्यो ।
- दुई मनको दूरी घटाउने दिन हो प्रेमदिवस
माया नै माया झन् बढाउने दिन हो प्रेमदिवस
छन् भने कोही मन परेका मान्छे, भन्न नडराऊनुस्
माया गर्छु भनी बताउने दिन हो प्रेमदिवस । - मायाको रङ भरेर बिताऔँ प्रेमदिवस
प्रेमको सुगन्ध छरेर बिताऔँ प्रेमदिवस
ओ,.. प्रेमिल मनहरू छालसँग नडराऊनोस्
मायाको सागर तरेर बिताऔँ प्रेमदिवस । - सधैँ एउटै कुरा मात्र कति कति सम्झनु
देशमा भइरहेको यो दुर्गति कति सम्झनु
आउँछ पीडा दिन्छ अनि टिपेर लान्छ
हर दिन यो मानवीय क्षति कति सम्झनु । - विषालु शहर नशामा पट्टियौ कि कतै
मन्द विषमा बिस्तारै लठ्ठियौ कि कतै
त्यो शहरले धेरै कहानी निलेको छ साथी
तिमी पनि उतैतिर सट्टियौ कि कतै ? - जति कोसिस गर्दा पनि जरूर हुन सकिनँ
भए पनि प्रेममा पागलै एकसुर हुन सकिनँ
तिमीलाई त खै के लाग्छ बुझ्नै सकिन मैले
मलाई त लाग्छ मात्र तिम्रो सिन्दुर हुन सकिनँ । - म यता, उनी उता बेकारमा मन दुखेको छ !
मनभित्रका कुरा लक डाउनमै लुकेको छ !
संसारमा हावा बहँदा जीवनमा त्रास पर्दा
उनलाई भेट्ने चाह दुई दिनमै सुकेको छ ! - मायामा कुनै वर्ग हुँदैन कुनै जात हुँदैन
एक अर्कामा लुकाउनुपर्ने बात हुँदैन
भन्ने गर्थ्यो हर शुभ तिम्रो हाल सोध्छु
बिर्सियौ कि तिम्रो शहरमा रात हुँदैन । - समयले कहिले बाँच भन्छ कहिले मर भन्छ
मलाई पानी माथि दौडिएर सागर तर भन्छ
आफू फूलैफूल बिछ्याइएको बाटो हिँडेर मलाई
नाङ्गै खुट्टाले काडाको सफर गर भन्छ । - खै किन हो भित्रभित्रै दिल दुखिरहन्छ !
प्यासले हो या सुगरले घाँटी सुकि रहन्छ !
कति नरमाइलो रात जताततै सुनशान;
रातैभरि नराम्रो स्वरले कुकुर भुकिरहन्छ ! - सबै बुझेँ मैले तर यो संसार कसरी बुझ्नु
मान्छे मार्ने ईश्वरको विचार कसरी बुझ्नु
जन्मदिने उनीले नै मार्ने पनि उनी नै हुन
भने यो उनको दया अत्याचार कसरी बुझ्नु । - जिन्दगीमा बहार कम दूरी धेरै हुँदोरहेछ
खै किन ! खुशी भन्दा मजबुरी धेरै हुँदोरहेछ
मनभित्र त हर्ष आउनु नै हुन्न कदापि पनि
खुशी अलिकति दुःखको हुरी धेरै हुँदोरहेछ । - आफ्नैले दिएको जहर पिएर फर्कदै छु
जहर दिनेलाई आभार दिएर फर्कदै छु
आफ्नै माया वापस लिन गएको थिएँ म
अपमान थोरै उनीबाट लिएर फर्कदै छु । - दुःख बिसाएर तिमीसँग रून खोज्नु भुल भएछ !
धेरै टाढा थिएँ म नजिक हुन खोज्नु भुल भएछ !
म त एक अस्तित्व हुँ यहीँ धर्तिको थाहा मलाई
आकाशको तारा तिमी छुन खोज्नु भुल भएछ ! - मनपर्ने मान्छेलाई समाउन नपाउँदा दुःख लाग्छ
अङ्कमाल गर्दै माया लाउन नपाउँदा दुःख लाग्छ
खै कुन उद्देश्य लिएर आयौ कोरोनाको नाममा
म आफ्नै अनुहार देखाउन नपाउँदा दुःख लाग्छ । - धेरै कुरा गर्नु थियो तर भेट्न सकिनँ !
तिमी मेरो नभए नि याद मेट्न सकिनँ !
मर्छु भनी हातमा छुरा लिइ सोचिहेरेँ;
तिम्रो माया सम्झी, घाँटी रेट्न सकिनँ ! - कसरी बोलाउँ हेर तिमीलाई म हारेको मान्छे
के साइनो लगाउँ तिमीलाई म टुटेको मान्छे
पाइलापाइलामा ठोकर खाएर बाँच्दैछु भने !
कसरी स्विकारे तिमीलाई म भत्किएको मान्छे । - सानी थियो उसको नाम, मैले सानू भन्दिएँ !
छुट्टीएर जान्छु भन्थी ऊ मैले जानू भन्दिएँ !
बिदाइमा के दिन्छौ उपहार भनिरहन्थी ऊ
उपहारमा मेरा सबै खुशी पनि लानु भन्दिएँ ! - जब यी ठुला शहरले मृत्यु छेक्न सक्दैन
मान्नुहोस् कलमले जीवन लेख्न सक्दैन
जता टेके नि धर्ती फाटेझैँ लाग्दछ हजुर
बुझौँ विज्ञले पनि भविष्य देख्न सक्दैन । - तिमीलाई सम्झी डाँको छोडी रुन मन लाग्छ !
दिनरात सधैँ आँसुले यो मुहार धुन मन लाग्छ !
न त निद्रा लाग्छ रातमा न त दिनमा भोक नै
नबोले पनि तिम्रा ती तस्वीर छुन मन लाग्छ ! - संस्कृतिमा हामी निकै धनी छौँ
हृदयको सफा, ज्ञानी र गुनी छौँ
आज्ञाकारी लम्पसारवादी भएर
त्यसैले आजसम्म निरोगी छौँ ! - खै किन हो भित्रभित्रै दिल दुखिरहन्छ !
प्यासले हो या सुगरले घाँटी सुकिरहन्छ !
कति नरमाइलो रात जताततै सुनशान;
रातैभरि नराम्रो स्वरले कुकुर भुकिरहन्छ ! - कोही पानी हुँ भनी सुनामी बनेर आउँछन् !
कोही हरियाली वसन्त हुँ म भनेर आउँछन् !
जालझेल षडयन्त्र नि कति गर्न सक्या हुन्;
कोही आफ्नै लागि खाल्डो खनेर आउँछन् ! - त्यसरी दिल नजलाऊ मेरो नाउमा
बनाएर आँसुको तलाउ मेरो नाउमा
अनमोल रत्न जस्ती तिमी तेस्तै रहनू
नघटाऊ आफ्नै भाउ मेरो नाउमा । - दुईपाटा फरक फरक, क्वाइनसँग डर लाग्छ
नशारूपि पानी जस्तै वाइनसँग डर लाग्छ
अफवाह फैलाउँछन्, कोरोनाले लग्यो भन्दै..
लाने हुन् कि ? कतै क्वारेन-टाइनसँग डर लाग्छ । - आकाश छुने सपना देख्न पनि छाडिदिएँ
अधुरै छ कहानी लेख्न पनि छाडिदिएँ
दुनियाँ नै हामी दुईको, विपक्षमा उत्रेपछि,
उसको घरमा पाइला टेक्न पनि छाडिदिएँ । - कोरोनाको डर त्रास र भय धेरै नलिनुहोला
सबैलाई नमस्कार गर्नु तर हात नदिनुहोला
कतै जाँदा माक्स लगाएर मात्र हिँड्ने गर्नूं
तर ज्यान सङ्कटमा छ भीडभाडमा नजानुहोला ।
०००