उठ् ओ ईश्वर ! तँ नउठ्ने गरेर निदाउनुभएन
हे मुर्दा, पीडा किस्ताकिस्तामा आउनुभएन ।
फूल लिई आशाको राजमार्गमा उभिएको छु
बिन्ती मेरा सपनालाई निराश बनाउनुभएन ।
भोलि पहाड बनेर उभिन सक्छन् समस्याहरू
तसर्थ गोप्य कुराहरू सकभर बताउनुभएन ।
म पुग्ने धरातलसम्म भोलि तिमी नपुग्न सक्छौ
यसबेला टेकेको जमिन छोड्दैमा रमाउनुभएन ।
प्रतिष्ठा बचाएर राख्नुस् काम लाग्छ कुनै बेला
लक्ष्य पूरा नगर्नेले अरूको लक्ष्य भत्काउनुभएन ।
०००
रोल्पा