केही सपनाहरू
केही गन्तव्य थिए
टीकापुर कैलालीमा
तर
सपना सपनामै सीमित भयो
आजभोलि बोलिरहेछ
उसका यादहरूले
टीकापुरपार्कबाट
त्यो बस्तीबाट
बोलाइरहेछ
बगरले समुन्द्र खोजेजस्तै
हरेकदिन ।
उसका यादहरूले
बारम्बार बोलाइरहेछ
आउँ त कसरी आउँ
उसका यादहरू ताजै छन्
यी मन मुटुहरूमा
नआउँ भनूँ भने
पुरानो साइनो छ टीकापुरसँग ।
मेरो मस्तिष्कमा
उसका पुराना यादहरू
कैयौंपटक
लम्कीदेखि टीकापुरसम्मका यात्राहरू
हजारौंपटक
मेरो मस्तिष्कले
सधैँभरि
साँझपख
यात्राहरू पार गरेका छन्
र
सोधिरहेछु
‘टीकापुर¸ के तिमीले मलाई प्रेम गर्दैनौं ?’
०००
तुलसीपुर, दाङ